Concelleiro responsable: RICARDO RODICIO GONZÁLEZ
Forma de contacto: 982430001
Enderezo: Av. de Galicia, 50, 27330 A Pobra do Brollón, Lugo
PUNTO LIMPO
Horario atención Punto Limpo: Todos os mércores de 10.00 a 14.00
No punto limpo pódense depositar todos os grandes residuos, como mobles, colchóns ou electrodomésticos. Non debe depositarse no punto limpo: uralita, pneumáticos. Recóllese aceites de vehículos somentes a particulares.
Ofrecemos ademais un servizo gratuíto de recollida domiciliaria de residuos voluminosos. Para máis información poden chamar ao teléfono 982 430 001.
PUNTO LIMPO MÓBIL
O punto limpo móbil é unha iniciativa dentro do programa 'Menos residuos, máis vida' para conservar e protexer o medio natural promovendo a eficiencia na xestión dos residuos. É unha iniciativa que conta co apoio financieiro da Consellería de Medio Ambiente, Territorio e Vivenda da Xunta de Galicia e do Feder.
O Punto Limpo Móbil consiste nun remolque que circulará polas diferentes parroquias. Dispón de compartimentos separados para facilitar o depósito dos seguintes residuos:
- Lámpadas e tubos fluorescentes
- Aceito usado de cociña
- Aerosois
- Envases baleiros de pinturas, lacas e vernices
- Pilas e baterías
- Medicamentos caducados
- Tóner e cartuchos de impresora
COMPOSTAXE COMUNITARIA
Desde a área de medio natural participamos nun programa piloto para a xestión dos residuos orgánicos biodegradables co fin de obter un recurso valioso, o compost, para a súa aplicación na xardinería municipal ou reparto entre os participantes.
O programa de compostaxe está en marcha na capitalidade municipal dende marzo 2018 con 6 illas composteiras, sendo pioneiro na provincia de Lugo na aposta por novos modelos de xestión de residuos. A compostaxe comunitaria fomenta a participación da cidadanía en iniciativas municipais, coa colaboración altruísta e a conservación do medio natural como filosofía.
Esta iniciativa complementa o programa piloto de compostaxe domiciliaria que se desenvolve en Eixón, Cereixa e A Estación.
PLAN DE ACCIÓN PARA O CLIMA E A ENERXÍA SUSTENTABLE
A elaboración do Plan de Acción para o Clima e a Enerxía Sustentable é un compromiso adquirido polo Concello da Pobra do Brollón ao asinar o Pacto dos Alcaldes. Ten os seguintes obxectivos:
- Reducir as emisións de CO2
- Aumentar a eficiencia enerxética
- Aumentar o uso de enerxía procedente de fontes renovables
- Elaborar un inventario de Emisións de Referencia (IER)
- Realizar unha avaliación de riscos e vulnerabilidades derivados do cambio climático
- Presentar o Plan de Acción para o Clima e a Enerxía Sustentable (PACES) cos seguintes obxectivos: reduir as emisións de gases de efecto invernadoiro e aumentar a resiliencia climática do concello, minimizando os efectos do cambio climático
- Presentar polo menos cada dous anos un informe de acción: un documento de seguimento do PACES
Finalmente establecerase unha metodoloxía para a realización do inventario de seguimento de emisións (ISE) que deberá actualizarse cada dous anos, de xeito que se poida comprobar o cumprimento dos obxectivos.
A axuda é do 100% do importe (2.999,95€), procedentes da Consellería de Medio Ambiente, Territorio e Vivenda para asistencia técnica na elaboración dun Plan de Acción para o Clima e a Enerxia Sustentable (PACES).
