'Consertasso na horta', un espectáculo para todos os públicos este xoves 22 na Casa da Cultura

'Consertasso na horta', un espectáculo para todos os públicos este xoves 22 na Casa da Cultura

19 Decembro 2022/concello/Cultura

Este xoves 22 ás 18:00h, a Casa da Cultura ‘Olga Novo’ da Pobra do Brollón acollerá o ‘Consertasso na Horta’. O evento forma parte da programación municipal ‘Nadal na Guimaralia’. É para todos os públicos e a entrada é de balde.

Neste espectáculo o músico Brais das Hortas interpretará a diversos personaxes que farán pasar ao público da música tradicional ao electrónico, do punk ao chill-out e ata do trap ás regueifas. Amosa un retrato irónico da nosa sociedade adaptado para todos os públicos, cunha fonda dose de esperanza no cambio sostible das xeracións futuras.

Brais das Hortas leva máis de 20 anos dedicándose á musica e ten formado parte de bandas como Mamá Cabra, Sons Miúdos, Banda Fura Fura, e colaborado con outras e outros artistas como Ataque Escampe, Sofía Espiñeira ou Peter Punk Pallaso.

Ao día seguinte, venres 23, continuará a programación de Nadal do Concello da Pobra do Brollón coa visita do Apalpador. A semana seguinte, tamén haberá varios eventos co obradoiro infantil “Biblio Nadal”, un concerto de Tanto nos Ten o día 29, e para despedir o ano, festa karaoke na Casa da Cultura. 



RELACIONADO