Nova excursión termal a Augas Santas o 21 de maio

Tras a boa acollida da primeira saída organizada en abril, o Concello da Pobra do Brollón volve programar unha excursión para realizar o circuíto termal do Hotel Balneario Iberik Augas Santas, en Pantón.

Será o mércores 21 de maio, con saída en bus ás 10:30 dende diante do antigo cuartel da Garda Civil na Pobra do Brollón.

O prezo por persoa é 21€, que dá acceso ao circuíto de 90 minutos de duración. O transporte é gratuíto, facilitado polo Concello da Pobra do Brollón.

A actividade está dirixida a maiores de 18 anos e as prazas están limitadas. As reservas deben realizarse ata o venres 16 de maio na Biblioteca municipal 'Antonio Reboiro' (teléfono de contacto: 982 430 546).