O equipo de axentes ambientais retoma a atención ao público no Concello
O equipo de axentes ambientais adscritos ao Distrito VIII-Terra de Lemos retoma a atención aos cidadáns e cidadás todos os mércores de 11:00 a 13:00h na Casa do Concello da Pobra do Brollón.
O equipo, dependente da Consellería de Medio Rural, ofrece atención ao público de xeito altruísta sobre todo tipo de temas relacionados coa xestión forestal e os montes, co obxectivo de achegar a administración autonómica á cidadanía.
Entre os servizos ofertados, inclúense:
- Xestionar permisos de queima e de corta para uso doméstico.
- Asesoramento e información sobre distancias en plantacións e a xestión de biomasa forestal para a prevención de incendios forestais.
- Información xeral relacionada coa masa forestal e a tramitación administrativa.
Calquera veciño ou veciña do concello pode usar o servizo, e non hai que solicitar cita previa.
Tamén se ofrece atención telefónica en 982 889 122 (oficina central do Distrito VIII-Terra de Lemos).
