'Maxia pola igualdade' co mago Javier Muro este venres 18

O venres 18 de outubro a biblioteca municipal acollerá unha actuación do mago Javier Muro, dentro do programa 'Ler Conta Moito' da Rede de Bibliotecas Públicas de Galicia.

O espectáculo infantil 'Maxia pola igualdade' busca concienciar na igualdade entre homes e mulleres e a non violencia na sociedade. De xeito ameno, trataranse temas como as profesións, os xoguetes e as tarefas do fogar. O evento é ás 6 da tarde na biblioteca (Casa da Cultura) e a participación é libre e gratuíta.