Os entrenos do equipo de fútbol sala Guimariños comezarán despois de Semana Santa

Dende a área de Servizos Sociais do Concello da Pobra do Brollón lánzase unha convocatoria para a cativada interesada en formar parte do equipo de fútbol sala Guimariñ@s.

Os entrenos comezarán despois de Semana Santa. Os horarios e grupos estableceranse en función das e dos participantes.

Para máis información poden contactar nas oficinas de Servizos Sociais, ben de maneira presencial (Casa da Cultura 'Olga Novo', 1º andar), por correo electrónico en educacionfamiliar@concellodapobradobrollon.gal ou por teléfono nos teléfonos 982 430 447 ou 609 004 451.

A iniciativa forma parte do programa Plan Corresponsables 'a Guimaralia máis Corresponsable 2025'.